16.赤裸的秘密(張國榮＆林憶蓮)(劇場版)
作詞：潘源良
作曲：薛忠銘
編曲：倫永亮
(獨白)離開你已經差唔多一年
但唔知點解 當我每朝早起身剃鬚嘅時候
仍然會喺個鏡裏面度睇到你啱啱瞓醒嗰個樣 好似隻貓咁 將個頭捐入我睡衣入面
記得你講過 人越嚟越大就越嚟越唔敢開始一段感情
你亦都講過從來無試過同一個男人 可以好似同我喺埋一齊咁開心咁投入
但係點解你始終都唔肯講俾我聽 你愛我嘅？
就像是一艘飛向星的客機 心彷彿早已離地 身邊的一切游離
不夠膽望向你 為怕你知道此刻的心理
還是推開你 去呼吸空氣
＊盡力地說一些笑話做逃避 偏不知怎麼說起 方可找得到自己
為何能遇上你 能驟眼已感到沒半點距離
純屬緣份 還是如以往我再自欺
＃偷偷感激你(多麼感激你) 能讓我再試這滋味
無奈我卻怕愛比刀鋒更利 更癡戀也是要捨棄
只好感激你 明日我要與你分飛千里
留下我愛你這赤裸的秘密 也只好偶然再想起
(獨白)鏡裏面我又見到你著住我送俾你嗰件睡衣
呢 喺你胸口上面有一個蝴蝶結嗰件呀
你每一次都會唔小心咁將佢打成死結 我就一隻手剃鬚 一隻手想幫你解開佢
而你話嗰個結我係用兩隻手打架 你用一隻手又點可以解開呢？
我真係好想知道 究竟一對點樣嘅手先至可以幫你解開你感情上嘅死結
究竟一個點樣嘅男人先至可以令你毫無顧慮咁去愛佢
Repeat ＊＃＃
(獨白)感情嘅事 我從來都唔知道應該點樣去解釋 可能係因為以前所受嘅傷
我同自己講 唔會再付出架喇 即使我好清楚知道唔會再有機會碰到一個好似你咁樣嘅男人
我諗人都係自私嘅 喺我再一次受傷之前 請你原諒我 我只可以離開
| 
